Plantun de Prouvènço

Pèr coumpara dos planto d'encò nostre

Epipactis palustris & Tortella tortuosa

Epipactis palustris

Orchidaceae

Noms en français : Épipactis des marais, Elleborine des marais.

Descripcioun :
Aquesto erbo-di-mousco trachis en group bonodi soun rizoumo, dins li palun alcalin (Ca). Èi pas uno planto forço coumuno en basso Prouvènço, au contro di palun de mountagno mounte se pòu trouba fin que proun aut (2200 m). Se recounèis à si flour blanquinouso tenchado de rouge clar ; lou davans de la labreto caup de gibeto bourdado de jaune. Li fueio soun proun longo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 70 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Epipactis
Famiho : Orchidaceae

Ordre : Asparagales

Coulour de la flour : Blanco
Petalo : irreguliero
Ø (o loungour) flour : 12 à 18 mm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Vo
Jun à avoust

Liò : Palun - Rèire-duno - Tepiero marnouso
Estànci : Mesoumediterran à Mountagnard
Couroulougi : Éurasiatico
Ref. sc. : Epipactis palustris (L.) Crantz, 1769

Mousso-espiralo-serpentouso

Tortella tortuosa

Pottiaceae

Nom en français : Tortelle tortueuse.

Descripcioun :
Aquelo mousso coumuno trachis en couissin o en mato denso sus li roco cauquiero. Li fueio de 2 à 6 mm, acabado pèr uno longo pouncho, se recounèisson coume tóuti li Tortella à soun V entre la baso ialino e lou aut verd. Un cop seco devènon touto torso, serpentouso. La sedo de l'espouroufite èi longo de 2 à 3 cm e l'urno (3 mm) a un peristome espirala de 2 à 3 tour.

Usanço :
Poudèn s'engana emé d'àutri mousso dóu gènre Tortella.